58Sambâŋkonec nânâ irec fuŋne iŋuc fokac. I mimiŋnefâc‐ŋeŋic nâmbiŋ iŋucne mâcne. Jaŋe nâipiehuc hâmombiŋ. Â nore nânâ ʒi nâocmu e ine juraʒihuc juocmu sanaŋ.”
59Jesu e Kafanaum haeo mitificko juhuc dâŋ i jaza qazuc ewec.
60Kikefuŋfâc‐ticne jaŋeraonec bocjahazi dâŋ i manarâ mumbiŋ, “Dâŋ kecʒi manapene ququŋkenehec ekac, i mozi manaocmu?”
61Eme mu takic embiŋ i Jesu e maŋticnezi manarâ ʒiŋuc jazawec: “Dâŋ i manapie sâqorekac me?
62Eme Ŋic Fâri Wâtuŋnezi mârâc juweckoa risie feme manapie weniŋuc eocmu?
63Sahacte biuczi juju bâbâfua i mi fokac, juju bâbâfua i Mârore gie. No dâŋ ŋazaekopac i Mârohec â jujuhec.
64Eme ŋoŋeraonec tucnezi ine mana maŋ mi eeŋgopieŋ.” Jesu e miti‐ticne qikiŋneniŋmu jaŋe mârâcko mana tarac‐jopawec, â doc baocmu e mâmâc mana tarawec, irec dâŋ iŋuc jazawec.
Johane 6
Johane 6:58-64