Ioane 7:40-52

⁴⁰Tatao gamagaridi teina riba ta se ataiei, si ene, “Mamohoi, Peroveta wa ina.”

⁴¹Headi si ene, “Teina Keriso ede.” Na headi si ene, “Keriso Galilaia eai abo i laoma wa?

⁴²Uriuri eai si ribaei Keriso Davida tumana eai se labasi, eo Betelehema eanuana eai abo i laoma, Davida nei eai ie mia, wa?”

⁴³Ia arinai tatao nuadi se labulabui.

⁴⁴Eo headi ia bena se toai; taiede nige tau esau i abilau ia arinai.

⁴⁵Iala tataodi wa abo se uio kohena babadadi eo Parisea aridi eai, isi si ene, “Ie saha nige au woeaiama?”

⁴⁶Iala tataodi se heribadi si ene, “Nige tau esau i riba doha ina tau ta.”

⁴⁷Parisea abo se heribadi si ene, “Omi hinage se boraboraimiu wa?

⁴⁸Wasawasa headi, e Parisea headi ia se sunumaei wa?

⁴⁹Teina tatao ta laugagaeo se hekau, se ribahebaaeadio.”

⁵⁰Nikodemo, adi sagu esau, i ribalau isi aridi eai (tau wa maiona esau eai ie lau Iesu arinai),

⁵¹i ene, “Ita eda laugagaeo taba nige tau esau i hegiru, ena riba eo ena laulau se ataieibagunai, e nige’e?”

⁵²Isi se ribalau ia arinai si ene, “Oa hinage Galilaia wa? U eooi, u ita: Galilaia eai taba nige peroveta esau i tubu.”