Yowane 7:40-52

⁴⁰Boda wa teina hedehedede ta se lapui ede hekadi se wane, “Mamohoi, teina tamowai ta meta iya Peloweta wa.”

⁴¹Hekadi se wane, “Teina Keliso wa”, na hekadi se wane, “Nige. Kabina ka katako meta Keliso taba nige Galili unai ye laoma.

⁴²Na kulikuli tabuna unai ye hemasalaha meta Keliso ne iya wasawasa Dawida kana isimulita hesau na Dawida yona magai Betelehema unai kabo ye laoma.”

⁴³Unai boda wa luwadiyena meta nuwanuwatu labui, matawuwuna ede Yesu.

⁴⁴Na boda hesau se henuwa bena se kabihekahini, na iyamo nige tamowai hesau ye kabilau Yesu unai.

⁴⁵Numa tabuna kedana taukitahetetena wa Yesu yona hedehedede wa se lapuidi ede se uyo taukaitalasam tauwoyaidi yo Paliseya tamowaidiyao wa udiyedi. Kabo tauwoyawoya wa se henamailau udiyedi se wane, “Matawuwuna saha to iya nige kwa hai na kwa woyaiyama?”

⁴⁶Keda taukitahetetena wa se hededelau udiyedi se wane, “Sola nige tamowai hesau yona hedehedede ka lapui doha iya.”

⁴⁷Paliseya tamowaidiyao wa se hededelau udiyedi se wane, “Nuwana komiu hinage ye lupohaigomiu?

⁴⁸Kabina kwa kata meta kai yo tauwoyawoya saesaedi luwamaiyena nige hesau tamowai me ye sunumaei.

⁴⁹Na teina boda ta meta Mose yona laugagayo nige kabina se kata, unai Yaubada yona hededeheyababa kabo ye talu kalidiwai.”

⁵⁰Na Nikodemo—iya nabada wa unai ye lau Yesu ye kita wa, yo iya tauwoyawoya ne kadi kaha hesau—ye hededelau udiyedi ye wane,

⁵¹“Yoda laugagayo ye hedede meta taba nige tamowai hesau ta hegilugaibui, na bena ta lapulau unai yo saha ye ginauli wa wasana ye hedede ta lapubagunaei, na kabo ta nuwatuhekasa.”

⁵²Ede se hededebui se wane, “Nuwana kowa hinage Galili unai ku laoma? Kulikuli tabuna bena ku hasilinamwanamwaei, na kabo unai ku lobai meta taba nige peloweta hesau Galili unai ye laoma.”