San Juan 7:40-52

⁴⁰Beṉe' ca' chosozenag xtiža' Jesúsen' baḻe' gosene': ―Da' ḻi benga naque' ben' choe' xtiža' Diosen' ben' naquen yide'.

⁴¹Na' yebaḻe' gosene': ―Benga Criston' ben' naquen yedeṉabia'. Perw yebaḻe' gosene': ―¿Bixe ṉacho beṉe' Galilea ba gwlej Diosen' cont yedeṉabi'e chio'?

⁴²Xtiža' Diosen' da' nyojen žan Criston' ben' yedeṉabi'e choje' ḻo diaža c̱he da' rey David na' gaque' beṉe' Belén gan' nac laž da' David.

⁴³Can' goc beṉe' ca' gosaque' c̱hople ṉec̱he Jesúsen'.

⁴⁴Na' baḻe' gosaclaže' yesezene'ne', perw nono gwzen ḻe'.

⁴⁵Na' beṉe' chesape' yodao' blaon' jaya'aque' gan' nita' bx̱oz gwnabia' ca' len beṉe' fariseo ca', ḻe beṉe' can' goseseḻe' ḻegaque' cont yesezene' Jesúsen'. Na' beṉe' ca' gose'e ḻegaque': ―¿Bixc̱hen' bi nc̱he'elne'?

⁴⁶Na' beṉe' chesape' yodao' blaon' gose'ene': ―Biṉa' yeneto' beṉe' cho'e diža' güen ca dan' choe' bena'.

⁴⁷Nach beṉe' fariseon' gose'e ḻegaque': ―¿Lente le'e ba gwxiye'e?

⁴⁸Ṉe toz neto' nacto' beṉe' fariseo biṉa' šejḻe'to' xtižen' na' ṉeca beṉe' gwnabia' c̱hechon', ṉe toze' biṉa' šejḻe'e xtižen'.

⁴⁹Perw beṉe' quinga že' nga bi zjanombi'e ley dan' bzoj da' Moisésen' na' ba zjambiaye'e, da'nan' chesejḻe'e xtižen'.

⁵⁰Na' Nicodemo ben' gwyej lao Ješusen' šeže'le naque' txen len beṉe' gwnabia' ca'. Na' Nicodemon' gože' ḻegaque':

⁵¹―Ley c̱hechon' bi choen' latje c̱hoglaocho c̱he to beṉe' ba ben da' mal še biṉa' güe'e diža' naquen' goc na' še biṉa' ṉezecho bi dan' bene'.

⁵²Nach yezica'chle beṉe' gwnabia' ca' gose'e ḻe': ―¿Leno' le' ba beyaco' beṉe' Galilea? Bsed Xtiža' Diosen' da' nyojen na' ṉezdo' ṉe to beṉe' choe' xtiža' Diosen' ca ṉa' choje' Galilean'.