Iba Gana 38:12-17

¹²I̱naga waitigi bu karume i̱ gonoha delonaga gono wu kagoni ndobe. Agali i̱ mo ko halu bole karume i̱ bo wahami̱ya laga bialu ka. Horo bibahendengi tigua i̱hondo mana ko hangu bulene manda bialu haga kagoni.

¹³I̱ hale tuluhe ale howa tigua bi lararu hale habe nahe ko. I̱naga bi ndibulo wahene ale howa ne hariga ha̱ lalu bi labe nahe ko.

¹⁴I̱ agali hale tuluhe haraligobi howa tigua bi lararu i̱na ladai bibe naheore kogoni.

¹⁵Anduane Homogo-o i̱na í̠hondo mini mbiraore wu kogoni. Anduane Homogo i̱naga Ngode Datagaliwabeore-o í̠na i̱naga bi larogo ladai biaga kegoni.

¹⁶Waitigi bu karume wai hanalu i̱ bope holenaga mine bi lelo nahelabe. I̱ emene pilope harogola ti turu helo nahelabe laro.

¹⁷I̱ tandaga timbuni handaabo halu kogome i̱ pilolene kawareore ngagoni.