Mbouŋ To Yes Israela 38:12-17

¹²Koiagŋa tau tizuari zi pa ravuuŋ ghau namaat na, tighur liis katini payau. Mboŋoozo ila le ravrav izi, yes tisavsaav pa eez to tivaghamun ghau, Lolozi ighurghur pa eez yoŋgaaŋa to tikari ghau.

¹³Eemon matag ila pa saveeŋ toozi tawe mako. Yau naneneeŋ mon imin tamtamon tau aavo ve taliiŋa ivool, ve irau isavsaav mako, ve iloŋlooŋ saveeŋ mako.

¹⁴Onoon kat, yau namin tamtamon tau taliiŋa ivool ve iloŋlooŋ saveeŋ mako, ve irau iyol saveeŋ eta mako.

¹⁵O Yoova, Maaron tsiau, yau naghur matag payo ve nasaŋan ghom. Yau nanumeer ghom naghe yo pale ulooŋ suŋuuŋ tsiau tane ve uul ghau.

¹⁶Maaron, upul pataŋani tane iliiv ghau sov. Pa ighe natap, ene pale koiagŋa tintinizi, ve tipakur tauzi tighe tiliiv ghau.

¹⁷Ughita. Yavyavuuŋ tane ipul ghau rigta mako. Moroghooŋ tane irav matin tapirig le naghe natap.