Iba Gana 136:2-22

²Anduane Homogo ibu mbirale bi pupu wulenaga gime wabini ngaru bolangua haihe kago iname ibuhondo ka̱i̱ lama. Ibugua ina gubalini ha ho wiaaboore haga kagoni.

³Anduane Homogo ibu dindini haguane hene karu bolangua haihe kago iname ibuhondo ka̱i̱ lama. Ibugua ina gubalini ha ho wiaaboore haga kagoni.

⁴Agalime nabiagane aleru ibugua dege biaga ka. Ibugua ina gubalini ha ho wiaaboore haga kagoni.

⁵Hari daliga li karuni ibunaga mini bayale gigabi wiagome wabini. Ibugua ina gubalini ha ho wiaaboore haga kagoni.

⁶Ibugua iba andaneha berelowa dindi daliga wabu ngeleda. Ibugua ina gubalini ha ho wiaaboore haga kagoni.

⁷Ibugua ni egebi wabini. Ibugua ina gubalini ha ho wiaaboore haga kagoni.

⁸Ibugua nime horombe wá halu hondo helo heleda. Ibugua ina gubalini ha ho wiaaboore haga kagoni.

⁹Ibugua egebi yakundirubi urunime mbiraga dalu hondo helo heledagoni. Ibugua ina gubalini ha ho wiaaboore haga kagoni.

¹⁰Ibugua Iyibi wali agalinaga igini wahene bo wahai hene. Ibugua ina gubalini ha ho wiaaboore haga kagoni.

¹¹Ibugua Isaraele wali agali Iyibi wahalu haru tagira pene. Ibugua ina gubalini ha ho wiaaboore haga kagoni.

¹²Ibunaga hongo timbuniore heagome ti ani haru tagira pene. Ibugua ina gubalini ha ho wiaaboore haga kagoni.

¹³Ibugua iba solowara Daramabi laga bereago bira migimigi bilene. Ibugua ina gubalini ha ho wiaaboore haga kagoni.

¹⁴Ibuni bamba halu ibunaga wali agali haru halu iba solowara Daramabi domaede hene. Ibugua ina gubalini ha ho wiaaboore haga kagoni.

¹⁵Ibugua ani biyagoyu Iyibinaga kinibi ibunaga ami agali hearubi iba ogoniha iba nalu homai helene. Ibugua ina gubalini ha ho wiaaboore haga kagoni.

¹⁶Ibugua dindi ko wali agali nahaga wiagoria ibuni bamba halu ibunaga wali agali haru halu pene. Ibugua ina gubalini ha ho wiaaboore haga kagoni.

¹⁷Ibugua kini hongohe hearu bo wahai hene. Ibugua ina gubalini ha ho wiaaboore haga kagoni.

¹⁸Ibugua kini mini lene hearubi bo wahai hene. Ibugua ina gubalini ha ho wiaaboore haga kagoni.

¹⁹Ibugua Amoro wali agalinaga Kini Sihono bo wahene. Ibugua ina gubalini ha ho wiaaboore haga kagoni.

²⁰Basana wali agalinaga Kini Ogabi bo wahene. Ibugua ina gubalini ha ho wiaaboore haga kagoni.

²¹Kini uruninaga dindi wiaru ibunaga wali agaliruhondo mini. Ibugua ina gubalini ha ho wiaaboore haga kagoni.

²²Ibugua dindi uruni ibunaga biabe biahaga Isaraelealiruhondo mini. Ibugua ina gubalini ha ho wiaaboore haga kagoni.