Wâŋgiŋa Paneâŋa kâ 136:2-22

²Kinda taporo ndaŋge ilâ pa Maro Kindeni, ina ipolenzi maro rârâni. “Mao nâ, i tini mwasa ndo pa kinda ikura zo rârâni.

³Kinda taporo ndaŋge ilâ pa Maro Ŋalae, ina kala ipolenzi tamâta ŋalaŋala rârâni simo tâno kulu. “Mao nâ, i tini mwasa ndo pa kinda ikura zo rârâni.

⁴Ina simbo nâ uru iveta mâsi ŋalaŋala. “Mao nâ, i tini mwasa ndo pa kinda ikura zo rârâni.

⁵I ne ilo-kalo nde ŋalae ndo; mine kala ipulia samba ipâŋga lâ. “Mao nâ, i tini mwasa ndo pa kinda ikura zo rârâni.

⁶Ina io tâno imandi lââ kulu. “Mao nâ, i tini mwasa ndo pa kinda ikura zo rârâni.

⁷Ina ionzi sinâla ŋalaŋala sipâŋga samba tini. “Mao nâ, i tini mwasa ndo pa kinda ikura zo rârâni.

⁸Aku ina io kari tu ikatona mbwale. “Mao nâ, i tini mwasa ndo pa kinda ikura zo rârâni.

⁹Ina io nzimona tavanzi pitu tu sikatona mbo. “Mao nâ, i tini mwasa ndo pa kinda ikura zo rârâni.

¹⁰Ina nanayoni ivilanzi timbunda, kala ipunzi Isip tamâta natunzi tamâne nzâla-kulu pâta sipamateteu. “Mao nâ, i tini mwasa ndo pa kinda ikura zo rârâni.

¹¹Ŋineŋga ina ikainzi Isrel ŋgu sipile Isip tâno siyâti simâ. “Mao nâ, i tini mwasa ndo pa kinda ikura zo rârâni.

¹²I tamwata ne walo nde kaika ndo, kala iveta mine. “Mao nâ, i tini mwasa ndo pa kinda ikura zo rârâni.

¹³Aku muli ŋga ina ipu Tâi Ŋiŋi kala ipwa pwataki mo rua. ‘Mao nâ, i tini mwasa ndo pa kinda ikura zo rârâni.

¹⁴Ŋineŋga ina ikainzi ne tamâta soka mâsa-mâsa nâ lâ tâi ŋgini simbwaliu silâ. ‘Mao nâ, i tini mwasa ndo pa kinda ikura zo rârâni.

¹⁵Andeta ipatuku Isip nenzi koipu ŋalae tavanzi ne zugu tamâta sinu lââ kala sipamateteu lâ. ‘Mao nâ, i tini mwasa ndo pa kinda ikura zo rârâni.

¹⁶Aku ina imuŋga panzi ne tamâta soka nia bilimu silâ. ‘Mao nâ, i tini mwasa ndo pa kinda ikura zo rârâni.

¹⁷Ŋineŋga ina ipunzi koipu kaika ŋalaŋala pâta simâte. ‘Mao nâ, i tini mwasa ndo pa kinda ikura zo rârâni.

¹⁸Kinzi koipu ŋalaŋala ŋinde nawalanzi pinde nde ŋanzi ŋalae, andeta ipunzi pâta simâte. ‘Mao nâ, i tini mwasa ndo pa kinda ikura zo rârâni.

¹⁹Ina ipu Amor ŋgu nenzi koipu ŋalae Sihon pâta imâte. ‘Mao nâ, i tini mwasa ndo pa kinda ikura zo rârâni.

²⁰Aku ina kala ipu Basan ŋgu nenzi koipu ŋalae Ok pâta imâte tona. ‘Mao nâ, i tini mwasa ndo pa kinda ikura zo rârâni.

²¹Ŋineŋga ikai kinzi koipu ŋalaŋala ŋinde nenzi tâno, aku ikisi keri panzi ne tamâta. ‘Mao nâ, i tini mwasa ndo pa kinda ikura zo rârâni.

²²Ŋineŋga tâno ŋinde ilanzi ne wurâta tamâta Isrel. ‘Mao nâ, i tini mwasa ndo pa kinda ikura zo rârâni.