HAHEMAORO TAUDIA 13:2-17

²Tau ta Sora ai e nohova, ladana na Manoa; ia na Dan iduhuna tauna. Adavana vada e gabani, asi natuna.

³Bena Iehova ena aneru ese e hahedinarai henia, e hereva henia, eto, Vada o gabani, asi natumu; a do ba rogorogo, mero ta bavabia.

⁴Taunabunai nahuamu ba tohoa, vine ranuna eiava kekero muramurana ta basio inua, bona ḡau mirona ta basio ania;

⁵badina be oi na ba rogorogo, mero ta bavabia. Kwarana na basio naua, badina be una mero na ena vara dinana amo baine helaḡa Dirava ena, Nasin oreana tauna. Ia ese Israel na Filistia taudia imadia amo baine hamauridia matama.

⁶Bena hahine na ela, adavana e hamaoroa, eto, Dirava ena tau ta dekegu ema, vairana na Dirava ena aneru vairana na heto. Bena na gari; asina nanadaia ede amo ema, bona ia na sibona se helada hato.

⁷To, ia ese e hamaorogu, eto “Oi na ba rogorogo, mero ta bavabia; taunabunai vine ranuna eiava kekero muramurana ta basio inua, bona ḡau mirona ta basio ania, badina be una mero na baine helaga Dirava ena, Nasiri oreana tauna, ena vara dinana amo, ela bona ena mase dinana”.

⁸Bena Manoa ese Iehova e noia, eto, Ḡaubada e, lau na noimumu, Dirava ena tau oi ese o siaia ma bainema, baine hadibamai, hari baine vara merona na ede baia kara henia toma.

⁹Bena Dirava ese Manoa gadona e kamonai: Dirava ena aneru ese una hahine ma e hahedinarai henia lou, ia na uma ai e nohova negana ai; a adavana Manoa na lasihia.

¹⁰Bena hahine na e heau haraḡa, adavana e hamaoroa, eto, Vanegai dekegu ema tauna na vada eme lou henigu.

¹¹Bena Manoa e tore isi, adavana murina amo ela, una tau dekenai e kau; bena e hereva henia, eto, Ina hahine e hereva henia tauna na oi, a? Ia eto, Lau binai.

¹²Manoa ma eto, Emu hereva bae momokani negana ai, hari mero na ede baine noho toma, bona ede baine kara toma?

¹³Bena Iehova ena aneru ese Manoa e hamaoroa, eto, Ina hahine na hamaorolaia herevadia iboudiai na ia ese baine lalo tao:

¹⁴vine anidia basine ani, vine ranuna eiava kekero muramurana ta basine inua, bona ḡau mirona ta basine ania; na henia haheḡanidia iboudiai baine badinadia.

¹⁵Manoa ese Iehova ena aneru e hereva henia, eto, Mani emu kara, do baia dogomu tao, nani natuna ta baia heḡaeḡaelaia amu.

¹⁶A Iehova ena aneru ese Manoa e haere henia, eto, Boma dogogu tao, to amui basina ania; a ḡole-oho boubouna boma heḡaeḡaelaia, vada ba hahelaḡaia Iehova ena. (Badina be Manoa lalona do se parara una na Iehova ena aneru).

¹⁷Bena Manoa ese Iehova ena aneru e nanadaia, eto, Ladamu be daika? Baiama diba, bena emu hereva anidia bae momokani negana ai, ai na baia imodaimu.