GWAY GI IDAWUU’D 92:7-13

⁷Ki ba a’di jin ta thus mo tani a’di ’ka’da le/ me’da sho mo dhali imanmii tonthusi ’baar mo lugkin ki ṯup̱ ṯup̱ mo tani uni ’birki ’kup̱ ki mo jin ’ce’du/ sho’k ki sule/ sule/ mo,

⁸hili /e, ayy Tap̱a, /e a’di idikin e mo jin ḵapaṯa/ ḵapaṯ ki sule/ sule/ mo.

⁹Haali/, hili mo mo ma, ’kwani kun ta ’kup̱ ki /e mo, ayy Tap̱a, haali/, hili mo mo ma, ’kwani kun ta ’kup̱ ki /e mo tani uni minu ’ce’d sho’k mo. Aris imanmii tonthus mo tani minu c̱eker bwa mo be.

¹⁰Hili /e eḵki cem pem mo mmowa e ki ce ma almaŋa’th mo. /E ki wol aha/ ayin jin ta this ki this i is mo.

¹¹Em pem p̱arki uni kun ta ’kup̱ ki aha/ e mo mmoṯa’k ka luŋgu’b mo. ’Cem pem ciḵki gwo gom mom’bir ’kup̱ ki ’kwani kun ta thus ki thus kun ṯẖa’th aha/ ki is mo.

¹²Uniŋ ḵar/e uni lugkin me’d cwanyjeṯẖkum mo dhali ca me’da bwanyayiis e Pan Lubnaan mo.

¹³Uni c̱u’thkunu mo e gu’b gi Tap̱a mo. Uni lugkin ki ṯup̱ ṯup̱ e gu’b ma pije/ jin di ’kup̱ ḵany ma Arumgimis bana mo.