GWAY GI IDAWUU’D 90:11-17

¹¹Kaja si’da/ imidi hil isi gwo i e goma nyor pini mo, dhali ka nyor pini isi ki gwo jin minu ḵo/ /e mo?

¹²Wakan ṯori aman gwo mo mmodeŋa teem bam e mo ki aman mina gama dum bam gi moyuḵ mo.

¹³Doḵu/ mo, ayy Tap̱a! Ki mo jin wakata imina /e idi mo? Hili ahil ki e ma ’thime/ gom c̱iŋkinam pini mo.

¹⁴Kap̱i amana dum bam ki mon’thamo/ ki mo/en pini jin ṯelu sho’k mo ki aman mina bwa ’kuny mo dhali ’bor bwa mo ka teem bam ’baar mo.

¹⁵Dhuyi aman mmo’kuny bwa mo me’da tee ka ris mo me’da cim gunn kun dorkina /e aman mo dhali me’d yil ka ris me’d jin p̱arkina aman tonthus e mo.

¹⁶Dhalka ṯu’c pini a’di ṯoru eya tente/ e c̱iŋkinam pini mo, dhali monyca gi mom’bi’th pini e uc̱im buni mo.

¹⁷Dhalki mii ma ’the gi Tap̱a Arumgimis bam di’da p̱o/ aman mo, dhali ṯeli /e aṯu’c bam sho’k mo jin miina aman ki me’d bam mo, nye, aṯu’c jin miina aman ki me’d bam mo tani ṯeli /e a’di sho’k mo.