GWAY GI IDAWUU’D 85:8-11

⁸Dhalki aha/ ciḵa gwo mo ma, gwo jin min ma Arumgimis jin ta Tap̱a o mo, haali/ a’di midi o gwo gom moŋḵu’th is ki ’kwanim piti mo, dhali unim piti gwansan kun dhunu mo ki she/ ki dhelel dhelel mo, dhali uni gwansan kun ṯu’kkun e a’di mo eya dum buni mo.

⁹Ka jiŋ gana/ bway mowoṯẖ piti a’di diki’d e me’d mo gom uni gwansan kun ḵo/ki a’di mo ki monyca midi di e bampam bana mo.

¹⁰Mo/en jin ṯelu sho’k mo dhali mii jin ta ji ma isiŋ gana/ mo tani uni mini sho ki me’d mo. Mii ma ḵar/e dhali moŋḵu’th is uni mini p̱i ’twa/ ka rem ’kup̱ mo.

¹¹Mo ma isiŋ gana/ midi kash e me’d yi’de/ ’peni mony’cesh mo, dhali mii ma ḵar/e midi hil ka luŋgu’b ’peni momis mo.