Buk Song 85:8-11

⁸Mi putim yau long tok God, Bikpela i autim. Em i tok long givim bel isi na gutpela sindaun long mipela, sapos mipela i no i go bek long pasin nogut bipo mipela i mekim.

⁹Tru tumas, em i redi pinis long kisim bek ol manmeri i save lotu long em na i bihainim laik bilong en. Na em bai i kisim bek mipela na bai em yet i stap wantaim mipela long graun bilong mipela.

¹⁰Long dispela taim bai ol manmeri i laikim tru ol arapela na mekim gutpela pasin long ol. Na bai ol i stap stret na bel isi na sindaun gut wantaim.

¹¹Long graun bai ol manmeri i bihainim tru Bikpela, na God long heven bai i mekim ol i kamap stretpela.