GWAY GI IDAWUU’D 83:6-13

⁶Gu’ba’ku/ gi ’Kwani Pa Aduum dhali ’Kwani ma Isma/iil dhali ’Kwani gi Pa Muwab dhali ’Kwani gi Pa Haajar mo,

⁷dhali ’Kwani gi Pany Jibaal dhali ’Kwani gi Pa Ammuun dhali ’Kwani gi Pa Amalik, dhali ’Kwani gi Pam P̱alasthiin nyaḵka ris ’Kwani gi Pan Sur mo.

⁸Dhali ’Kwani gi Pan Ashshuur si’da/ uni gamki gwo me’d ki uni mo. Uni ta ’kwani kun ’bi’th ma bi ki ’bi’th kun ta uc̱i ma Luuth mo. Doshi ma dhali ’cunycuri yan mo.

⁹Wakan /e mini mii miim pini ap̱o/ uni me’d jin miikina /e ap̱oŋ ’Kwani gi Pam Midyaan mo, dhali me’da Sisara dhala Yabin mo e Yi’de/ ma Kishun mo,

¹⁰uni gun ’ce’dkunu sho’k mo e Pan Endor mo, uni gun warkin ki gure/ gom mony’cesh mo.

¹¹Dhuyi mom buni kun tana uni ’penkap̱an mmowa e ka Guraab dhala Diib mo dhali aris iya/ ma maliḵ buni mo me’da Sabah dhala Salmunnaa/ mo.

¹²Uni gun o gwo mo ki: Dhalki ana budha to gom is bana mo ’pena shon dhii/i’d ma Arumgimis mo.

¹³Ayy Arumgimis pem, dhuyi uni mmowa e ki ’tham jin ’theḵi bu’da’cesh ki ji wuṯul mo, me’da ’pi’b jin ’dashu ibwambori ’tham mo.