GWAY GI IDAWUU’D 83:2-10

²Haali/ hili mo mo ma, ’kwaniŋ ’kup̱ pini uni miikina dulaṯṯ mo. Uni gwansan kun shi/ki /e i e mo tani uni ’deki ’kup̱ buni ki mis mo.

³Uni ’thiki gwonthus ’cesh ap̱o/ ’kwanim pini mmocesh uni mo. Uni ṯorkina ṯor mmonṯal ’de/ ap̱o/ unim pini gun ceshkina /e ka p̱o/ mo.

⁴Uni o gwo mo ki: Iiyu/ mo, dhalki ana dhidha uni sho’k ka pupush ’peni kal jin tana uni mo. Dhalku/ ki dhal gway ma Israyiil ki a’di minu ka e doḵ/e mo.

⁵Nye, uni ’dap̱an ki me’d ki gwom buni ka rem ’kup̱ mo. Ap̱o/ /e mo tani uni ki gam gwo me’d mo.

⁶Gu’ba’ku/ gi ’Kwani Pa Aduum dhali ’Kwani ma Isma/iil dhali ’Kwani gi Pa Muwab dhali ’Kwani gi Pa Haajar mo,

⁷dhali ’Kwani gi Pany Jibaal dhali ’Kwani gi Pa Ammuun dhali ’Kwani gi Pa Amalik, dhali ’Kwani gi Pam P̱alasthiin nyaḵka ris ’Kwani gi Pan Sur mo.

⁸Dhali ’Kwani gi Pan Ashshuur si’da/ uni gamki gwo me’d ki uni mo. Uni ta ’kwani kun ’bi’th ma bi ki ’bi’th kun ta uc̱i ma Luuth mo. Doshi ma dhali ’cunycuri yan mo.

⁹Wakan /e mini mii miim pini ap̱o/ uni me’d jin miikina /e ap̱oŋ ’Kwani gi Pam Midyaan mo, dhali me’da Sisara dhala Yabin mo e Yi’de/ ma Kishun mo,

¹⁰uni gun ’ce’dkunu sho’k mo e Pan Endor mo, uni gun warkin ki gure/ gom mony’cesh mo.