GWAY GI IDAWUU’D 51:7-13

⁷Dhagami aha/ mo ki cwa jin wana e ka ’tasha jalbip̱ mo, dhali aha/ mina dheleladhelel mo. Lami aha/ mo dhali aha/ mina c̱a’bki bany bany mmobola wasa/ e mo.

⁸’Tu’di aha/ ki bwam ’borga/ mo dhali ki bwaŋ ’kunyga/ mo. Dhalka sima/ jin ’ce’da /e mo ’kunya bwa mo si’da/.

⁹Bagi jis/em pini ’peni miinthus pem mo dhali ’koshi aris miinthus pemi ’baar mo.

¹⁰Uḵi e aha/ adun dhelelga/ mo, ayy Arumgimis, dhali kar jin this dhali jin ’boro’d e bwaman shi/in pem mo.

¹¹Dhalku/ ki biṯ aha/ asho ’peni buŋ’kus pini mo, dhali dhalku/ ki bu’th Shi/in dhelel dhelel pini ’peni aha/ mo.

¹²Wari bwaŋ ’kunyga/ is e aha/ mo e bway gi mowoṯẖ pini mo, dhali buthi aha/ me’d ki bwa gi shi/in mo.

¹³Dhali yan’ko’d aha/ mina ṯor imandhaŋ gwo bway pini mo, dhali imanmii miinthus mo mini ṯu’k mo e /e mo be.