7ܕܲܟܹܝܬ ܠܝܼ ܒܙܘܿܦܵܐ ܘܒܸܬ ܗܵܘܹܝܢ ܕܸܟ݂ܝܵܐ، ܚܲܠܸܠܸܬ ܠܝܼ ܘܒܸܬ ܗܵܘܹܝܢ ܒܘܼܫ ܚܘܵܪܵܐ ܡ̣ܢ ܬܲܠܓܵܐ.
8ܫܒ݂ܘܿܩ ܫܵܡܥܹܢ ܦܨܵܚܵܐ ܘܚܲܕܘܼܬܵܐ، ܦܵܨܚܝܼ ܓܲܪ̈ܡܹܐ ܕܛܒ݂ܝܼܚ ܠܘܼܟ݂.
9ܛܲܫܝܼ ܦܵܬܘܼܟ݂ ܡ̣ܢ ܚܛܝܼܵܬܝܼ̈، ܘܟܠܵܝܗܝ ܥܵܘܠܝܼ̈ ܓܪܘܿܕ.
10ܠܸܒܵܐ ܕܸܟ݂ܝܵܐ ܒܪܝܼ ܓܵܘܝܼ، ܝܵܐ ܐܲܠܵܗܵܐ، ܘܚܲܕܸܬ ܪܘܼܚܵܐ ܡܗܘܼܡܸܢܬܵܐ ܒܓܵܘܝܼ.
11ܠܵܐ ܪܲܦܹܝܬ ܠܝܼ ܡ̣ܢ ܗܸܙܘܼܪܘܼܟ݂، ܘܪܘܼܚܵܐ ܕܩܘܼܕܫܘܼܟ݂ ܠܵܐ ܫܵܩܠܹܬ ܡܸܢܝܼ.
12ܡܲܕܸܪ ܐܸܠܝܼ ܦܨܵܚܵܐ ܕܦܘܼܪܩܵܢܘܼܟ݂، ܘܒܪܘܼܚܵܐ ܕܨܸܒ݂ܝܵܢܘܼܬܵܐ ܣܵܢܕܹܬ ܠܝܼ.
13ܗ̇ܝܓܵܗ ܒܸܬ ܡܲܠܦܸܢ ܠܥܵܘܵܠܹ̈ܐ ܐܘܼܪ̈ܚܵܬܘܼܟ݂، ܘܚܲܛܵܝܹ̈ܐ ܠܟܸܣܠܘܼܟ݂ ܒܸܬ ܕܵܝܪܝܼ.