GWAY GI IDAWUU’D 47:2-9

²Haali/ Tap̱a, a’di jin Caa e ki Ca mo tani a’di ḵa/aḵa/ mo, a’di jin ta dhana Maliḵ ap̱o/ mony’ceshi ’baar mo.

³A’di ki dhuwa ris ’kwani e bwaŋ’kwariny ana mo dhali aris ’kwani e bwaŋ’kwariny sho’k bana mo.

⁴A’di ki kwany mal bana gom ana mo, ’ba/ jin kar ma Yakuub ki ca a’di jin ena a’di mo be. Doshi ma dhali ’cunycuri yan mo.

⁵Arumgimis shinki bway momis cuuwa/ ilu/ mo be, dhali Tap̱a ki ko ma poome/ mo.

⁶Yuḵi gway mmomaŋ Arumgimis mo, yuḵi gway mmomaŋa maŋ mo. Yuḵi gway mmomaŋa Maliḵ bana mo, yuḵi gway mmomaŋa maŋ mo.

⁷Haali/ Arumgimis a’di ta’da Maliḵ gom mony’ceshi ’baar mo. Yuḵi gway mmomaŋa maŋ ki gway jin yedhuwa ye’th sho’k mo.

⁸Arumgimis miiki miin tap̱a ap̱owa ris kal gi ’kwaniny’cesh mo. Arumgimis c̱a’bki’da p̱owa ḵursim piti jin ḵogu mo.

⁹Iya/ gi ’kwani mo tani uni tulki isi monṯal ’de/ mo me’d ’kwani ma Arumgimis ma Ibrahiim mo. Haala goŋgoro/ jin ta ji gi mony’cesh mo tani a’di cil ma Arumgimis mo be. A’di karu ki ca jin eḵa/ eḵ mo.