GWAY GI IDAWUU’D 38:9-11

⁹Tap̱a, aris mom pem kun gwon ma du mo tani mishu ki /e mo. Dhali ashurem pem jin wuka/ mo tani ’konuki bag ’peni /e mo be.

¹⁰Adum pem shwa’d ki ju’k ju’k mo dhali mom’bi’th pem ushi me’d mo e aha/ mo dhali apinya/ em pem jin shwa’d ki o’d mo tani, uni si’da/ uskin ’peni aha/ mo be.

¹¹Imugum pem dhali uni gun nyaḵ aha/ ii ka yempa/ mo tani uni doshkin ki moŋḵo/ is ’peni isa nyor pem kun wo’cki aha/ she/ mo, dhala bas pem si’da/ uni doshkin isa dhana/ mo.