GWAY GI IDAWUU’D 36:1-4

¹Gwon dhaŋ oki a’di jin ta thus ki thus gwo mo ki ’kula’kul eya dum piti mo. Moŋḵo/ isa kamu/ yisa di’da goma Arumgimis e bwambor jis/em piti mo.

²Haali/ a’di o gwo maŋ ka maḵ gom is piti mo e em pitiŋ gana/ mo ki miinthus piti minu ’koki gam mo dhali shi/i e mo.

³Gwo ’peni ’twam piti mo tani uni tana pibi mo dhali mo jin hekuwa he’k e mo. A’di daḵki’d mo ’peni mo jin miina a’di ki yuḵ yuḵ mo dhali mii ki ’bore/ mo.

⁴A’di c̱i is piti ki gwo ma pibi ma wu’th mo ki a’di di’d mmo/isha aŋkar piti mo. A’di ki kar is piti e bway jin diki ’bor mo. A’di diki ush tonthus mo.