GWAY GI IDAWUU’D 19:11-14

¹¹Bahili ki uni mo tani c̱iŋkinam pini a’di rumkunu mo dhali mmodhu uni mo tani adhan to jin ish ḵumma/ jin caaca mo tani a’di c̱ikunu mo.

¹²Hili aja a’di imidi theke’th tom piti kun thama a’di mii mo? Dheleli /e aha/ ’peni mombag gi mii kun thamka/ mii mo.

¹³’Tashi c̱iŋkinam pini ’twa/ mo ’peni miinthus kun miina a’di ka daran du mo. Dhali dhalku/ ki dhal uni bway mo mmota tap̱a ap̱o/ aha/ mo. Dhali yan’ko’d aha/ mina di ki dar gi mii ’ba/ mo dhali di ka p̱o/ ’pena dhan gwon dhaŋ mo.

¹⁴Dhalki gwo gi ’twam pem dhali gwo kun kulum aha/ eya du mo mishu bu’th mo e jis/em pini mo, ayy Tap̱a jin ta wosh pem mo dhali amanwan aha/ ’ba/ mo.