Godigo Nogi Ugwaba Sabo Tęąbi Po Wabo Buku Dabe 19:11-14

¹¹Nago bomo yai pogo naga sę bidi eno koneabo homu kolesaga mabo dao. Eno nago bomai po wali pobaso, tama nago ena dulalubo digi dwagi yai ilibo da.

¹²Tialima, niwai bidigo aga yali dwai sę koneaibawe? Eno dwai sę meba yali te eno kuna konebeo, tama nago eno te dualai dwai sę yali pęą sąlama, ma sela sąyao.

¹³Ena nago sę bidi dao, nago ena bugagia tonaluao, tama eno hagoma homu eyu, nago po sela sąyu, dwai sę ma idali weyu yao. Nago eno dwai kolesaga ebo nago sulama tonalugio. Tama tiyu, ena dolo bugagia bidiyu, eno dwai sę genuai me egobeo.

¹⁴Genuai Bidi, eno homugo eno po dali, eno homu kolesaga dali, te nago gedude usu emainogo te homu yai. Genuai Bidi, nage bidibo digi ena duala selama, tama nago ena tau siyu, ma dobola sabo bidi dao.