GWAY GI IDAWUU’D 145:11-18

¹¹Uni mini o gwo gom monyca gi bampam pini mo, dhali uni mini ṯor gwo gom mom’bi’th pini mo,

¹²mmoṯor eya tente/ e iya/ gi ’kwani mo miin to ma dem dem pini mo, dhali monyca jin mii’d ki ra/ ra/ jin ta ji gi bampam pini mo.

¹³Bampam pini a’di ta bampa/ jin midi di ki sule/ sule/ mo dhali mo jin tanu tap̱am pini ’dimki ’kup̱ ki sule/ sule/ mo eya risa nyaḵum yil gi ’kwaniny’cesh mo. Tap̱a a’di ita a’di ma isiŋ gana/ eya ris gwom piti mo, dhali ta ’the ka ’the eya ris miin tom piti mo.

¹⁴Tap̱a a’di bu’thki uni gwansan kun ṯa’kkin mo, dhali ’deka ris uni imis mo uni gun ’kokin ki goŋgo/ mo.

¹⁵Aris e gi ’kwani ’baar mo hilki /e mo dhali /e ki c̱iki uni tonṯem buni ki yil ka ḵar/e mo.

¹⁶/E ḵa’dki me’d pini mo dhali /e kap̱kina ris to kun ’ko ki e adu mo ka ris to gun o uni bwa mo.

¹⁷Tap̱a a’di ita’da ḵar/e eya ris bway piti ’baar mo dhali kush bwa ki kush goma ris miim piti mo.

¹⁸Tap̱a a’di ’disha’dish goma ris uni gwansan kun yuḵki a’di mo, eya ris uni gun yuḵki a’di gom miiŋ gana/ mo,