GWAY GI IDAWUU’D 139:18-24

¹⁸Waḵki/ aha/ mina deŋ uni e mo tani uni bolkina si’b gi bwaagap̱ e ka ris mo. Ki aha/ merkina e mo tani aha/ dina nyaḵki /e mo naskina/.

¹⁹Ayy /e jin mini ’taki ’kosh uni kun mii tonthus moyi, ayy Arumgimis, dhali ki ’kwani kun wol ’kwaniya bas mo mini ’taki ḵwa/ is buni bwa ’peni aha/ mo,

²⁰ki ’kwani kun dup̱i /e i e mmo/ush /e gwo ki ’tash mo, uni kun cukin ki is buni imonṯal ’de/ ap̱o/ /e gom tonthus mo.

²¹Dika/ ki shi/ uni i e uni gun shi/ki /e i e mo, ayy Tap̱a? Dhali dika/ ki ’te bwa ki uni gwansan kun cukina ap̱o/ /e mo?

²²Aha/ shi/kina uni i e ki isi shi/ ma shiŋ gana/ i e mo. Aha/ deŋkina uni e moyi mmota ’kup̱ ki aha/ mo.

²³Ŋap̱i aha/ ki bur bur mo, ayy Arumgimis, dhali misha dum pem mo. Nyo/i aha/ mo dhali mish gwom pem kun kulumka/ ibwa mo.

²⁴Dhali p̱ari mo e mo waḵki/ tonthusa kamu/ di’d e aha/ mo, dhali shuyi aha/ bway e bway jin ’konuki/e ki sule/ sule/ mo.