GWAY GI IDAWUU’D 136:3-24

³Ayy c̱iyi mo jin ’boruwa ’bor bwa i is gom Tap̱a jin bolki’da ris tap̱a e mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

⁴E a’di, a’din ’deŋ gana/ mo jin miiki dhan momer kun caaca mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

⁵E a’di jin uḵki momis ki gwo jin mishu ’ban mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

⁶E a’di jin peperki mony’cesh ap̱o/ yi’de/ mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

⁷E a’di jin uḵki dhan moŋkush kun caaca mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

⁸Atente/ mmoji ap̱o/ montee mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo,

⁹Appe dhala risa cul mmojiya p̱o/ mon’thiny mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁰E a’di jin ’koshki’da bwanyara/ gi ’Kwani Masir mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹¹Dhali suski’da Israyiil ka pije/ ’peni bwaman uni mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹²Ki me’da bim ’bi’thgam piti mo dhali ki me’d piti jin he’thkina a’di mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹³E a’di jin ḵwa/ki dhan Ḵumma/ Yi’de/ jin ta gi ’Per bwa ki buuw mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁴Dhali a’di ki dhala Israyiil bway mo mmoya bwaman a’di mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁵Hili a’di ki kuma P̱irawn ’twa/a ’cesh e bwam Ḵumma/ Yi’de/ jin ta gi ’Per mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁶E a’di jin suski ’kwanim piti ka pije/ e mombwaasho mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁷E a’di jin ’koshki dhan imaliḵ mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁸Dhali a’di jin ’koshki imaliḵ kun gwonu ’kus mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

¹⁹Siihuun jin ta’da maliḵ gi ’Kwani Amuur mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

²⁰Dhali Maliḵ Uuj gi Pam Bashan mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

²¹Dhali a’di ki c̱i mony’cesh buni mmota mal mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

²²Mmota mal goma Israyiil jin ta c̱iŋkinam piti mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

²³A’diyi ita a’di jin kayi ana e mo e mom bana jin ’koyina ana e mo jin hatha ’ko ’ko’d ki ha’th mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

²⁴Dhali ’cwam ana mo ’peni ’kwaniŋ ’kup̱ bana mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.