GWAY GI IDAWUU’D 121:1-6

¹Aha/ ’deka em pem ’kup̱ ki wosh kun turatur mo. ’Peni mana imina woṯẖ pem ip̱u’du/ mo?

²Mowoṯẖ pem p̱u’dki’d ’peni Tap̱a mo, a’di jin uḵki momis dhali mony’cesh mo.

³A’di midi diki dhal sho’k pini bway ki a’di minu joc̱ mo, a’di yan jin kar /e mo tani mina e diki ’ce’d mo.

⁴Hili mo mo ma, a’di jin dhu ’Kwani ma Israyiil mo tani a’di mina e diki ’ce’d mo walla midi diki ish e mo.

⁵Tap̱a a’di ita’da mankar /e mo. Tap̱a a’di ita’da la goma bim poros pini mo.

⁶Atente/ midi diki ’kosh /e montee mo walla appe midi diki ’kosh /e mon’thiny mo.