1Walama sa uaboa 7 wadeno Israel apanawa muba bolauwobolauwo waimoia ene wimone Ierusalemwa awodeantone waimoie.
2Ita Iosadak otopa Iesua ita pirisi isiwa do ita Sealtiel otopa Serubabel damba do Israelwa Godiu mampe pulo sumpaa watawa osowe dewasaiena. Tauma mo God perowetawa Moses anaanawa wana rua pulo amonawa sumpa.
3Mo sape waimoie apana da bola sa bedewe waimoia sauntoie. Tane mo pulo watawa bolawa dewasane ita tadinaida ita rawi uduudu pue suie.
7Warere Sairus oaleno rua mo ia badowa ebowa sida Lebanon tawowa bedewe inintoia tomopu God duwa wadapua baiwa. Mo seu nolawala apanawa ita kanda mane wanamopu. Tane Saidon ita Taire apanawa isiwa nana, esa ita mena wanamoiena mo ia sa neanamopuo owa asiasi bola Iopa bedewe wimopua baiwa.
8Mo wimone Ierusalemwa God duwa enedia aupawe waimoio ena dea dialen. Ema aupe ena da uaboawa natawa bedewe Sealtiel otopa Serubabel, Iosadak otopa Iesua damba do, pirisi ita Liwai damba tane do apana uduudu emalawoau wadaitumoiena leuntone bola debama Ierusalem bedewe wimoiena. Ita sape mo osowe uwantone God duwa wadeiena. Mo Liwai damba mida enau 20 wadena teamoieno nola sa uantopua apanawa wananton.
