Esekiel 24:15-18

¹⁵Genuai Bidigo enabolo te tama po wali,

¹⁶“Tǫde bidio, eno koneani, nago naga we godolo homu mu yai, tiali goli te polo tama eno te we dagala selama, te nage olo bidaibao. Tiali goli, nago agade gela weyu, te hobede ebo balia me olamu dao,” wali.

¹⁷“Nago haligade naga hwąwa wao. Te bidi dabego nage odomainu me ilamuo. Tama nago te isai bidi dabede hobede ebo kolesaga dabe tiwai me elamuo. Te nago tobolude mubo ugwa name belama, te sągąde nadoba gudao, te naga sesemane sogo au ebo tiwai yao. Te nago pedauwali panigio. Te abagi dabego hobede ebo kolesaga wali peyu, te nageba nai sela asobo sę tiwai nago me elamuo dao.” Genuai Bidigo enabolo te po wali.

¹⁸Te kigamu te we bidi dabe dali eno po miani, te pio eno we isalio. Te do tama kigamude, eno te Genuai Bidigo enabolo po wali sę dabe yai dao.