Eks 8:13-22

¹³Fu ijegrekoga e Saimon fuk fu Jesu ma vierafega e Firif fu abe do ruardama fu una fusik fine unam sumakin iji fu reno iji giama fuka oiseren.

¹⁴Ijegrekoga ar Jerusarem ijia e afasor bu faik e Sameriako bu Jesuon vuak iji bun faivga bu Fita ko Jon kiava bu ijia vain.

¹⁵Bu va moik Sameria usem e ijiebuon sirimamene God kua, Ni ar e Jesu ma vierafejo iji ifejdiaga bu Kaven Akai on iji abejno kuain.

¹⁶Regavo e iji do ruainva iji bu Godon Kaven buba aben. Regavo bum Jesuon if ijia do ijesugin ruardiain.

¹⁷Areme Fita ko Jonbi e iji imut nigen namdiava bu Godon Kaven iji aben.

¹⁸Saimon fu giak e iji Fita ko Jon bu imut nigen namdiainva iji buka Godon kaven abejga fu uri Fita ko Jon kia, Na mon vajiaga ni na daro miega nak ijeg e imut nigen namdiaga bu Godon kaven abejno kiain.

²⁰Fu ijeg kiamga Fita fu uri kua, A Godon ire ma iji mon ijia kimekafa vierafeno iji fuka ma ise. Ijefuon na vierafega a mon on ijek mian vak.

²¹God fu gaga oion iji fuka ise ijefuon ab no ifejduok.

²²Rega a unam ise iji a vierafenma iji nuigafiame una Godon ruakma fuka ise on iji giame arek.