13ቃሲ ሲሞኒካ ባሬ ሁጴው ኣማኒዴ ፃማቄቴዳዋፔ ጉዪያን፥ ፒሊጶሳና ኢቲፔ ዴዒዴ፥ ኦሴቲያ ማላታኔ ፆሳይ ኦꬄዳ ዎልቃማ ማላታ ቤዒዴ ማላሌቴዳ።
14ዬሱሲ ኪቴዳ ዬሩሳላሜን ዴዒያዋንቱ፥ ሳማሪያ ኣሳይ ፆሳ ቃላ ኣኬዳዋ ሲሴዳ ዎዴ፥ ጴፂሮሳኔ ዮሃኒሳ ኡንቱንቱኮ ዬዴዲኖ።
15ጴፂሮሲኔ ዮሃኒሲ ዎꬊዴ፥ ኣማኒያዋንቱ ጌሻ ኣያና ኣካና ማላ፥ ኡንቱንቶ ፆሳ ዎሴዲኖ፤
16ኣዪሲ ጎፔ፥ ሳማሪያ ኣሳቱ ጎዳ ዬሱሳ ሱንꬃን ፂንቃታ ፃላላ ፃማቄቴዳዋፔ ኣቲን፥ ኡንቱንቱፔ ኢቱዋ ቦላኒኔ ጌሻ ኣያናይ ዎꬊቤና።
17ሄ ዎዴ ጴፂሮሲኔ ዮሃኒሲ ባሬንቱ ኩሺያ ኡንቱንቱ ቦላ ዎꬆዋፔ ጉዪያን ኡንቱንቱ ጌሻ ኣያና ኣኬዲኖ።
18ዬሱሲ ኪቴዳዋንቱ ባሬንቱ ኩሺያ ኡንቱንቱ ቦላ ዎꬂና፥ ኡንቱንቶ ጌሻ ኣያናይ ኢሜቴዳዋ ሲሞኒ ቤዔዳ ዎዴ፥ ጴፂሮሳሲኔ ዮሃኒሳሲ ሚሻ ኣሂዴ፥
19«ታኒካ ታ ኩሺያ ዎꬂያ ኡባይ ጌሻ ኣያና ኣካና ማላ፥ ሃ ማታ ታዉካ ኢሜሪኪቴ» ያጌዳ።
20ሺን ጴፂሮሲ ኣው ሃዋዳን ያጌዳ፤ «ኔኒ ፆሳ ኢሞታ ሚሻን ሻማናው ቆፔዳ ዲራው፥ ኔ ሚሻይ ኔናና ጮ ꬋዮ።
21ኔ ዎዛናይ ፆሳ ሲንꬃን ሱሬ ጊዴና ዲራው፥ ኔው ሃዋን ጊሹ ባዋ።
22ያቶዋፔ ጉዪያን ሃ ኔ ዎዛና ኢታ ቆፋ ዲራው፥ ናጋራፔ ሲማ፤ ኦኒ ኤሪ ኔ ዎዛናን ዴዒያ ኢታ ቆፋ ፆሳይ ኣቶ ጋኔንቶኔ ፆሳ ዎሳ።
ዬሱሲ ኪቴዳዋንቱ ኦሱዋ 8
ዬሱሲ ኪቴዳዋንቱ ኦሱዋ 8:13-22