Text copied!
CopyCompare
Téereb Injiil - JËF YA - JËF YA 8

JËF YA 8:13-22

Help us?
Click on verse(s) to share them!
13Simoŋ sax gëm, ñu sóob ko ci ndox; mu wéy nag ci topp Filib, di waaru ci kéemaan yi ak firnde yu mag yiy am.
14Bi nga xamee ne ndaw yi nekk Yerusalem yég nañu ne, waa Samari nangu nañu kàddug Yàlla; ñu yónni fa Piyeer ak Yowaana.
15Ñu dem fa nag, ñaanal leen, ngir ñu jot Xel mu Sell mi.
16Ndaxte wàccagul ci kenn ci ñoom, waaye sóoboon nañu leen rekk ci ndox ci turu Boroom bi Yeesu.
17Noonu Piyeer ak Yowaana teg leen loxo, ñu jot Xel mu Sell mi.
18Bi Simoŋ gisee nag ne Yàlla may na Xel mi jaarale ko ci loxoy ndaw ya, mu indil leen xaalis,
19ne leen: «Mayleen ma sañ-sañ boobu, ba ku ma teg samay loxo, nga jot Xel mu Sell mi.»
20Waaye Piyeer ne ko: «Asarul ak sa xaalis, yaw mi yaakaar ne man ngaa jënd mayu Yàlla ak xaalis.
21Amuloo benn wàll mbaa cér ci lii, ndaxte sa xol laabul ci kanam Yàlla.
22Réccul nag sa coxor te ñaan Boroom bi, mu baal la sa xalaatu xol, su manee am.

Read JËF YA 8JËF YA 8
Compare JËF YA 8:13-22JËF YA 8:13-22