Abostolo 8:13-22

¹³Ige Saimoni nehe keta hoto ke evige Bilibiu babatisohavoge au avuti oima. Ige Bilibiu vikoe vaveve vage au ke elehai vikoanu.

¹⁴Samalia ataeau Dilava hoto evisi male hoto ke abostoloeau Dielusalemae umale keau ke evisi Bitata Dionita hanavege abu tilu.

¹⁵Tiale keau Samaliae velehovoi kebiaho guliguliai isiviale abu Munanae Tumu malei.

¹⁶Kosealemo Munana Tumuteu kebiamo lohoholige keau Iesu ivimo babatiso unahalu.

¹⁷Ige Bitau Dioniti abu ada malei tataeabemo otovege kebiau Munanae Tumu malelu.

¹⁸Kateisege Saimoniu vaveveabe ke elehai isiviale moni malei Dionita Bitata ovei.

¹⁹Isi namigevei avoe, “Moni ko malei vuvune ke mai daovage elike data di ada malei atae tatamo otovege abu Munanae Tumu malei.”

²⁰Ige Bitau namihai avoe, “A huhuale ana a moni keta Dilava vuvune ke ibina vai. A katealemo a moni keti matamae toelae tenela.

²¹A vaveve kateale vaniege a bae no lovi ko valivebene. Kosealemo a uvu keu Dilava nimo inutolotoloholinu.

²²Di hilokage vaveve toelau a uvu ke mai aiohavoge a vaveve toelae isivi unaha vama. A huhuihuhuie toela kateale huhuimalemo hoilahai Dilava imihage au a vaveve toela ke ulihai.”