13ஸே²ஷே ஸ ஸி²மோநபி ஸ்வயம்ʼ ப்ரத்யைத் ததோ மஜ்ஜித: ஸந் பி²லிபேந க்ருʼதாம் ஆஸ்²சர்ய்யக்ரியாம்ʼ லக்ஷணஞ்ச விலோக்யாஸம்ப⁴வம்ʼ மந்யமாநஸ்தேந ஸஹ ஸ்தி²தவாந்|
14இத்த²ம்ʼ ஸோ²மிரோண்தே³ஸீ²யலோகா ஈஸ்²வரஸ்ய கதா²ம் அக்³ருʼஹ்லந் இதி வார்த்தாம்ʼ யிரூஸா²லம்நக³ரஸ்த²ப்ரேரிதா: ப்ராப்ய பிதரம்ʼ யோஹநஞ்ச தேஷாம்ʼ நிகடே ப்ரேஷிதவந்த:|
15ததஸ்தௌ தத் ஸ்தா²நம் உபஸ்தா²ய லோகா யதா² பவித்ரம் ஆத்மாநம்ʼ ப்ராப்நுவந்தி தத³ர்த²ம்ʼ ப்ரார்த²யேதாம்ʼ|
16யதஸ்தே புரா கேவலப்ரபு⁴யீஸோ² ர்நாம்நா மஜ்ஜிதமாத்ரா அப⁴வந், ந து தேஷாம்ʼ மத்⁴யே கமபி ப்ரதி பவித்ரஸ்யாத்மந ஆவிர்பா⁴வோ ஜாத:|
17கிந்து ப்ரேரிதாப்⁴யாம்ʼ தேஷாம்ʼ கா³த்ரேஷு கரேஷ்வர்பிதேஷு ஸத்ஸு தே பவித்ரம் ஆத்மாநம் ப்ராப்நுவந்|
18இத்த²ம்ʼ லோகாநாம்ʼ கா³த்ரேஷு ப்ரேரிதயோ: கரார்பணேந தாந் பவித்ரம் ஆத்மாநம்ʼ ப்ராப்தாந் த்³ருʼஷ்ட்வா ஸ ஸி²மோந் தயோ: ஸமீபே முத்³ரா ஆநீய கதி²தவாந்;
19அஹம்ʼ யஸ்ய கா³த்ரே ஹஸ்தம் அர்பயிஷ்யாமி தஸ்யாபி யதே²த்த²ம்ʼ பவித்ராத்மப்ராப்தி ர்ப⁴வதி தாத்³ருʼஸீ²ம்ʼ ஸ²க்திம்ʼ மஹ்யம்ʼ த³த்தம்ʼ|
20கிந்து பிதரஸ்தம்ʼ ப்ரத்யவத³த் தவ முத்³ராஸ்த்வயா விநஸ்²யந்து யத ஈஸ்²வரஸ்ய தா³நம்ʼ முத்³ராபி⁴: க்ரீயதே த்வமித்த²ம்ʼ பு³த்³த⁴வாந்;
21ஈஸ்²வராய தாவந்த:கரணம்ʼ ஸரலம்ʼ நஹி, தஸ்மாத்³ அத்ர தவாம்ʼஸோ²(அ)தி⁴காரஸ்²ச கோபி நாஸ்தி|
22அத ஏதத்பாபஹேதோ: கே²தா³ந்வித: ஸந் கேநாபி ப்ரகாரேண தவ மநஸ ஏதஸ்யா: குகல்பநாயா: க்ஷமா ப⁴வதி, ஏதத³ர்த²ம் ஈஸ்²வரே ப்ரார்த²நாம்ʼ குரு;