Diyosuwa 1

1

5

24

¹Bada ena taupaula Mousis i peki mulinemo Bada, Diyosuwa, Nan natuna i giuwena gado,

²“Egu taupaula Mousis i peki, tam em sauga te lava kwa etadoliyedi. Taunana aubaina kwa vononoḡa bi Islael lavedi kwai eta doliyedi te Diyoudan gaubina ko damaniye. Mba doḡana taunana yà vitevitemi.

³Maibena Mousis e giugiuwena mainana, tam bi egu lava niga doḡana ko nawanawayenemo matabuna e vitemi.

⁴Bi emi palata ba nove Negev kalakalalelemo te i nawa Lebonon oyedimo lalasi yawaninemo. Bi i nawa te Ifleitis gaubina palatina. Bi niga nevanemo Ḡiti lavedi edi dobu bi i nawa te Mediteliya nisanemo suwala ena anibulu yawaninemo i tava i popowaiḡemoti.

⁵Bi Diyosuwa em waibadamo mote kaka aiyai ḡemoḡemotina ima lauyovoḡem. Tagu tam vaitem maibena Mousis mote yà gosem bi yàma kita kamaḡem.”

⁶Kwa ḡailisi bi kwa laudabatola, mba lavedi iteitedi lisidimo e giuwapa te doḡana matabuna sa vai bi sa miyae.

⁷Kwa ḡailisi, kwa laudabatola bi kwa kita kauwa te egu taupaula Mousis waiḡake matabuna e vitevitemina kwa kaiwata kauwedi. Bamo te bamo kwa nawanawana ba eta kuma pale, waiḡake taunaḡa kwa noḡoti wata, kaka em ani nawamo em yawasana ya visu.

⁸Bi kwa kita te laḡan matabuna waiḡake matabudi kwa iyevidi bi dudubala te suwala kwai nuwanoḡonoḡotayedi bi kwa kaiwatedi. Bamoda niga mainana kwa voiye nonoḡena ba bai matabuna kwa voivoiyedina lisimmo sa visu.