Joshua 1

1

5

24

¹Ba Bada ana saibisaibirina Moses i rabobo murinai Bada Moses kana bibaita Joshua Nun natuna sebare kurina i wona,

²“Au saibisaibirina Moses i rabobo. Karaku kom ba nikosi pipiya ereonowasi ko bobunaga ba Jordan okowina koni garubonei ba kupura Israel biyisi ana berisi wai nakai kona nae.

³Yauku gawara ereonowana memena kaem kuna tereterei wai ana berim, Moses a kaobiyoyobani wai nanakasike.

⁴Am kupura wai kupura momnai ina dagui ba ina nae ku Lebanon ba namai okowa kaikapona Euphrates ai ba i nae Hitti biyisi asi kupura Mediterranean Enagina ku mara sipuna mena.

⁵Kega kesana kotoi am yawasa ereonowana kamonai ina gebeyim. Yauku Moses yabata wai yebo kesanina kom ba Yauku yabata, ba Yauku kega ani sumarim kona ana tere bigaruim.

⁶Ki maragata ba ki tepatora kairavina nikosi pipiya kuni naovisi kata nosinosim a kaobiyoyobanisi kupura ata berisi wai ini karimi yai.

⁷Ki maragata ba ki tepatora saki. Kairuwana ereonowana au saibisaibirina Moses a berei wai ko kinana kabitamni kata kona bosisirana; ba kega kesana kona vera taveyei wai birana gairena wata.

⁸Niko kairuwana bukana kega kawami ina kasibau taveyei; kao ba pom kona nota bitetei wai kamonai ereonowana si kirumi wai kona wose roboi wai kona mariya ba awaika kona wosei wai ereonowana gairena wata.”