22du ku nun kfulungam faldam fye kagkah i nawam, na nun klehew i kneam.
23Na di kagum di dalan, landè sasè gaslokam, na là ge tlaab.
24Di kileam, too fye kakudangam, na landè gamlikò ge.
25Na landè klikoam i dad kaflayam makto i kakelan, ku demen i kalmo kel kadang di dad to sasè,
26du Dwata i gusmaligam, na laan ge faloh ku mfawel i fawel.
27Ku nun kiboam, galam tnabeng i demem to nun klidù.
28Na nangam man di demem to, “E fayah ktabengta ge”, ku nun kiboam tmabeng dun di duh ani.
29Nang ge faldam mimò sasè di to demem saldan, du ge i gusmaligan.
30Nang ge dmalam i demem to, lumban i to landè sasè nimoan di ge.
31Nang mibal i knun i to labè, na nang ge mlalò i kenen nimò,
Dad Fngewe 3
Dad Fngewe 3:22-31