Dad Fngewe 31:22-30

²²Nimoan dad kayabla, na too fye bung klawehan na too fye baweh i batakan.

²³I yaanan too mdengeg, du kenen satu ulu di banwela.

²⁴I fye libun ani, gal mimò i klaweh na fablin, na mimò dad galing, du fablin di dad to gal fabli.

²⁵Too kenen mgal, na too mgafè, na landè klikoan balù tan kel di dale.

²⁶Ku talù kenen dileam i kfulungan, na too glut i katdoan.

²⁷Too kenen mimò, na toon nifat malayan di dad klidùla.

²⁸Too mabtas kenen di dad ngaan, na dnayen kenen i yaanan.

²⁹Man i yaanan, manan, “Nun dee dad libunfye, bay ge too mdatah di kdee.”

³⁰I fye kalyak i libun slaan là glut, na i kafye bawehan mlallana, bay i libun too nun klikò di Dwata too magdayen.