Dad Fngewe 29:3-20

³I to kmabas i kfulung, flehewan i maan, bay i to samnagin i libun mkat lagi, falmon i filakan.

⁴Ku too fkah i harì di nawan i matlu kukum, too nun ktanak dibanwen, bay ku alò én fandaman i filak, toon falmo i banwen.

⁵Ku simto dmayen i demen sgalak, bay kadì ise mdà di nawan, tatian falmo i kton.

⁶I to sasè, én kamfè kenen i salaan, bay i to matlu fakay mlingag na flehew.

⁷I dad to matlu too gmadè kamdo na tmabeng i dad to landè digususay, bay i dad to sasè là mabtas di dale i dad to landè.

⁸I dad to gal madoy fakay ale finit nawa i dad to di satu syudad, bay i dad to fulung faldam fakay fatlag klabè i dad to.

⁹Landè kibò musay i to fulung faldam na i to là fulung faldam, du ku ditù di gususay i to là fulung faldam là manak, alò kenenmadoy na flabè.

¹⁰I dad to gal manò, knangla i matlu to, bay i dad to fye, toola nifat i to matlu.

¹¹I to là fulung faldam, toon falwà i kaflabean, bay i to fulung faldam, gadnanan i kton.

¹²Ku i satu ulu flinge i dad kakakéng na fnaglutan, mbaling sasè i kdee dad to tmabeng kenen.

¹³I to landè na i to mkut i to landè, nun gusalngadla, du nun blé Dwata dale mata du fye mite ale.

¹⁴Ku glut kukum i harì i dad to landè, too mlawil i kagotan.

¹⁵Nun gufye i dad ngà ku tdò na fanlayam ale di gugsalàla, bay i dad ngà tatì fbayà di gugsalàla fyàla kadang i yêla.

¹⁶Ku sasè i dad ulu, too matnù i sasè, bay i kalmola teen i dad to matlu.

¹⁷Fanlayamam i tingaam di gugsalaan, na nun kadang ktanak i nawam, na flehewan i nawam.

¹⁸I dad to là flinge Tnalù Dwata sasè, du tatìla nimò i knayèla dulandè malak dale, bay i dad to mimen i tdò Dwata nun kafyela.

¹⁹Dademe salig là fakay ku tdoam ale fagu di taluam, du balù glabatla i manam dale, là ale flinge.

²⁰Fye fa i to là fulung faldam, di to i là funa faldam klon fa talù.