Dad Fngewe 28:16-24

¹⁶I satu ganlal kulang kaglabat, landè sa kakdon, bay i ganlal là mayè mlimbung, du fye matnù i knunan, too mlawil iglalan.

¹⁷I to manò i demen to, too msamuk i nawan, na tatì mimò i kalmon. Na tatiam kenen faloh.

¹⁸I to mimò i matlu nimò maklung kenen di sasè, bay i to là mimò i matlu nimò laan twan i kfugenan di ksasè.

¹⁹I to too mimò di tanaan nun bong knaanan, bay i to gal falmo i duh di landè fye nimoan, baling kenen tolandè.

²⁰I to gsalig nun gufyen, bay i to mayè mlal nun knunan fagu di klimbung, fanlayam kenen.

²¹Là fye ku i to gal mukum ku nun nsenan, bay nun dademe dad mukum mimò sasè, du fye nun gwèla balù alòtukay.

²²I to mademet too mayè ku mlal nun knunan, bay laan twan kakel i klandean.

²³I to mngak i demen to, too mabtas fa di satu to dmayen kenen fagu di dee manan, bay kadì là mdà dinawan.

²⁴I to tmaku di maan demen di yéan, na manan, “Ise sa salà inimògu,” salngad ku dmeme i to gal falmo i demen to.