Dad Fngewe 28:1-6

¹I to sasè, gal mila du nun klikoan, balù landè tmafik kenen, bay i to matlu là likò, gambet i lmanaf liyun landè klikoan.

²Ku sasè nimò i dad to di satu banwe, gal matlas i ulula, du làale gmagan mebe, bay i ulu nun gnadè na nun kaglabatan, kenen sa gmagan mebe i satubanwe di gufye.

³I to nun glal mkut i dad to landè, kenen gambet i too bong ulen falmo i dad fule.

⁴I dad to là kmabas i dad flalò, msen ale di dad to sasè, bay ku mimen ale i dad flalò, dmuen ale i dad to sasè.

⁵I dad to sasè, là ale gamlabat i katlu nimò di dademe to, bay i dad to mayè gmadè knayè Dwata too ale gamlabat.

⁶Fye fa i to landè ku matlu i nimoan, di to nun knun bay mlimbung i demen to.