Dad Fngewe 25:14-23

¹⁴I to makang nun blén, bay laan gafles blé dun salngad too mlabun na too mnus, bay là gafles mulen.

¹⁵I to fganag i taluan na ftahaan i nawan, gamguman nawa dad gumdatah i mgal ulu.

¹⁶Ku minum ge tnab, nang flukas, du ken utaam.

¹⁷Nang ge alì tlang di gumnè i demem to, du ken glukas na knangan ge.

¹⁸I to tmulen kéng gablà di demen to di gususay gamfati salngad i bunal, sundang, na i sait gamban du gamfati.

¹⁹Én ksasè i to smalig di to là gsalig di bang nun ksamuk, salngad ksasè i kifan maglifò na i satu blì là gmagan du slamelandè gukmamu.

²⁰I to flehew mlingag di bang nun klidù nawa i demen to, salngad ku maglus i klaweh di bang katno demen ku nkah kahì i seey, du slame là fakay du mgutes i ksasean.

²¹Ku bitil i to dmuen gamu fankaanyu kenen, ku malinum banléyu kenen ninum,

²²du ku ani nimoam, mbaling kenen too myà mdà di kafsasean gamu, na gdawatyu untung mdà di Dwata.

²³Ku bang i balat too gafles mulen salngad kagafles i kalbut ku nun malsalék.