Dad Fngewe 24:7-13

⁷I mngalam talù i to fulung faldam là glabat i to là fulungfaldam, taman ku nun kastulen too mngalam, landè timelan du laan glabat.

⁸I to funan fandam i kiboan mimò sasè, én kdagit kenen i to mimò samuk.

⁹I ksamuk i gal fandam i to là fulung faldam, salà sa, na knang dad to i to gal madoy.

¹⁰Ku mlungay i nawam di nun samuk, too glut mlungay ge.

¹¹Faflalam falwà i to landè gugsalaan, i fan fnati i dademe.

¹²Kabay ku balingam man, “Landè gadègu, nalandè labetgu di to atù,” bay gmadè Dwata ku tan i mnè di nawam, du kenen too meye ge, taman gadean i kdee, taman bnalasan ge di kdee dad nimoam.

¹³Tingàgu, minum ge tnab, du too fye neman, na tnab mdà di dalit i sugen too mi.