Dad Fngewe 24:19-24

¹⁹Nangam fsamuk i nawam gablà di dad to sasè, demen nang mibal nawam i kagkahla,

²⁰du dad to sasè landè fatanla, na landè gufyela di satu duh.

²¹Tingàgu, fye ku nun klikoam di Dwata na i harì, na nang ge magin i dad to là mimen dale,

²²du dad to gambet ani nun kalmola tatì makto kel, du landè gmadè ku tan i flayam blé Dwata na i harì di dale.

²³Ani i dad dademe gman i dad to fulung faldam: Là fye ku i to gal mukum nun nsenan di dad to nukuman.

²⁴Du i to mukum, ku di kukuman i to gamsalà na manan landè salaan, fanlagi kenen i dad to na kdee dad to mnang nawala kenen.