Dad Fngewe 22:4-14

⁴Ku nun klikoam di Dwata, na fdanaam i ktom di kenen, mlé kenen i dad knun, dengeg, na klawil.

⁵I to kmabas i kton, fawag di dalan nun fawel, i fawel i dad to sasè.

⁶Tdoam i tingà ku tan kiboan mebe i kton, du fye di ktuan laan glifet dun, klon mnè di tah tanà ani.

⁷I to nun knun gal mebe i to landè, na i to gal mdem flifan di to gumdeman.

⁸I to mla sasè, kamtu i kaflayam, na i kabkutan i dad to, nun gusenan.

⁹Nun kafye di to too mlé, du nalelan i knaanan di dad to landè.

¹⁰Falwaam i to gal madoy, du fye matlag i ksamuk, na matlag i kaswè talù na kasablé salà.

¹¹I to too mayè ku matlu nawan na fiten i kafean fagu di fyetaluan, gasgalak kenen i harì.

¹²I kaglut gal man i to, too nifat Dwata, fagu di kablabalan i kakakéng gal sanman i to là gsalig.

¹³I to là mayè mimò dee balibadan, du fye là mimò, du manan kun ku lamwà kenen di gumnean ken kanfè i lmanaf liyun, na knaanan.

¹⁴I klafà yaan, salngad i fawel, na i dad to fanlabè Dwata, ale i mfawel.