Dad Fngewe 20:1-10

¹I ninum gamlangal, én gumdà i to madoy na saglà, na balù simto mgikat di kinuman, én i to là fulung faldam.

²I kaflabè i harì gamlikò, salngad i bong ngal i lmanaf liyun, na ku faflabeam kenen, salngad ku tafafatim i ktom.

³I to là makuf di ksugak, mgafè kenen, bay i to too mayè sugak, kenen i to là fulung faldam.

⁴I to malwe mimò, i là mayè dmaru di bang kdaru, landè gwean di bang i kaktu.

⁵I dad fandam i satu to too mngalam, gambet i too mngalam yéél, bay i to nun kaglabat, glabatan dad fandam i to mngalam fandamani, na kenen gmagan fafalwà dun.

⁶Dee dad to dagla i ktola, ale kun too kamdo na too gsalig, bay i kaglutan, too malima mite i to too glut gsalig.

⁷I to matlu nun katlu i nimoan, na nun kafye gdawat i dad ngaan.

⁸Di ksudeng i harì di gumukuman, dilean sa i ksasè nukuman.

⁹Simto to fakayan man too mlaneb i fandaman na landè salaan?

¹⁰Knang Dwata i dad to tmimbang di timbang mlimbung, na masad di mlimbung gumasad.