Dad Fngewe 19:23-29

²³I to nun klikoan di Dwata mlawil kenen, na nun ktanak nawan, na gawag kenen di ksasè.

²⁴I to là mayè mimò, balù fa smungit i knaan là mayè.

²⁵Là fakay ku là fanlayam i to madoy, du fye matdò i to kulang ikfulungan faldam, fye fulung kenen mebe i kton, bay i to nun kaglabat, balù alò nngak, matnù i kaglabatan.

²⁶I tingà mimò sasè di maan na mdal i yéan di gumnean, too sasè na fyaan i dad tuan.

²⁷Tingàgu, ku tanlagam i kagbetam, là mlo gasyat ge di tagadeam.

²⁸I to tmulen kéng di gumusay tatìan nadoy i matlu, na i to sasè, too mayè mimò sasè.

²⁹I to madoy, too fanlayam, na sankél i to là fulung faldam.