Dad Fngewe 15:14-21

¹⁴I to nun kaglabatan mayè gambet, bay i to là fulung faldam fnò i nawan i klandè kfulungan.

¹⁵I knè i to mdanà too malima, bay i to nun klehew, too lehew i knean.

¹⁶Fye fa i to tukay knunan ku nun klikoan di Dwata, di to nun bong knunan i nun ksamuk.

¹⁷Fye fa ku tatì ge alò kmaan i gulay dmeme i demem sakdo, di kmaan ge i too fye nem uten, bay nun kasnang nawa.

¹⁸I to mlal malbut kenen gumdà i ksugak, bay i to là mlal malbut fakay smafye i dad to sugak.

¹⁹I to là mayè mimò, balù tanè, nun dad sual gablabal i dalanan, bay i to matlu landè gablabal i dalanan.

²⁰I tingà fulung faldam gaflehew i maan, bay i tingà là fulung faldam knangan i yéan.

²¹I to landè kaglabatan toon sa kanlehew i sasè nimoan, bay i to nun kaglabatan, toon nimò i matlu nimò.