Text copied!
CopyCompare
I tnalù dwata - Dad Fngewe - Dad Fngewe 11

Dad Fngewe 11:4-14

Help us?
Click on verse(s) to share them!
4I dad knunam landè gukmamum di kakel i duh kfatim, bay i katlum, i gafalwà ge di sasè kfati.
5I katlu i to fye, én gafye i knean, bay i ksasè i to sasè, én gafalmo kenen.
6I katlu i to gsalig, i gafalwà kenen, bay i to là gsalig, tamgikat kenen di sasè knayean.
7Di kfati i to sasè, talandè i kdee imen nawan di tah tanà ani, na i ksaligan di knunan landè gukelan.
8I to matlu, galwà di samuk, bay én baling nkel i samuk i to sasè.
9I gman i to là faglut di Dwata, én gafalmo i demen to, bay i kfulung i to matlu, én gafalwà i demen to.
10Too kanlehew i dad to di banwe ku nun fye kel di dad to matlu, na toola kanlehew i kfati dad to sasè.
11Fagu di nimò i dad to matlu mbaling mdengeg i banwe, bay fagu di talù i dad to sasè malmo i banwe.
12I to madoy i demen to kulang kaglabatan, bay i to nun kaglabat landè manan.
13I to samtugad salék, là gsalig gutmulen i santulenam di kenen, bay i to gsalig, là samtugad i santulenam di kenen.
14Malmo i banwe ku landè to fulung mebe dun, bay ku nun dee fulung mebe na fulung mngewe, nun ktanak di banwe.

Read Dad Fngewe 11Dad Fngewe 11
Compare Dad Fngewe 11:4-14Dad Fngewe 11:4-14