Dad Fngewe 11:10-17

¹⁰Too kanlehew i dad to di banwe ku nun fye kel di dad to matlu, na toola kanlehew i kfati dad to sasè.

¹¹Fagu di nimò i dad to matlu mbaling mdengeg i banwe, bay fagu di talù i dad to sasè malmo i banwe.

¹²I to madoy i demen to kulang kaglabatan, bay i to nun kaglabat landè manan.

¹³I to samtugad salék, là gsalig gutmulen i santulenam di kenen, bay i to gsalig, là samtugad i santulenam di kenen.

¹⁴Malmo i banwe ku landè to fulung mebe dun, bay ku nun dee fulung mebe na fulung mngewe, nun ktanak di banwe.

¹⁵Nsalam kadang ku makang ge mayad uteng i to laam dilè, fye fa ku là ge makang di kenen.

¹⁶I libun fye ldam, too mgafè, bay i lagi labè, landè mafè kenen, én aloan gwè i knun.

¹⁷Ku kamdo ge i demem to, én gafye i ktom, bay ku fansaseam i demem to, fansaseam sa i ktom.