Dad Fngewe 10:16-21

¹⁶Mdà di untung i to matlu, nun klawilan, bay mdà di untung i to sasè, nun kaflayaman.

¹⁷I to flinge ku nun mngak kenen, én i to mlawil, bay i to là dmawat i kagsalaan, nun sasè gdawatan.

¹⁸I to muni i knang nawan, én i to tmulen kakakéng, na i to samtugad salék, én i to là fulung faldam.

¹⁹I to too mayè stulen, slaan gsalà du mdà di dee manan, bay i to gadnanan i taluan, kenen i to fulung faldam.

²⁰I dad talù i to matlu too mabtas, salngad i btas i glut salafì, bay i fandam i to sasè landè btasan.

²¹I dad talù i to matlu, too gamtabeng i dee dad to, bay i to là fulung faldam, là mlawil du landè kaglabatan.